Xitay mekteplerde uyghurche oqutushni cheklidi

Resmiy menbelerde éytilishiche, xitayning shinjang rayoni(sherqiy türkistan -t)da da'iriler mekteplerde uyghurche ishlitishni chekligen.

01 Ağustos 2017, 20:07
Resmiy menbelerde éytilishiche, xitayning shinjang rayoni(sherqiy türkistan -t)da da'iriler mekteplerde uyghurche ishlitishni chekligen.

Buyruqqa xilapliq qilghuchilarning «qattiq jazalinidighanliqi» tekitlengen.

Bu cheklime, béyjingning uyghur musulmanlirini assimilyatsiye qilish üchün yürgüzgen qattiq basturush tedbirlirining biri süpitide otturigha chiqti.

Xoten wilayetlik ma'arip idarisi mekteplerde uyghur tilining ishlitilishini meniy qilghan we «bashlanghuch  ottura mekteplerdiki qosh til ma'aripini kücheytish üchün» xitayche sözlinishi kérek dep belgiligen.

Ma'arip idarisi chiqarghan belgilimide, mektepler choqum «dölet ortaq til we yéziqini qanun boyiche omumlashturushta ching turushi, qosh til ma'aripi asasiy prinsipi astida az sanliq millet tilidiki ma'aripni qoshumche qilishi kérek» déyilgen.

Belgilimide yene, üch yilliq yesli ma'aripida «xitay tili toluq omumlashturulushi kérek» hemde «bashlanghuch birinchi sinip we ottura mektep birinchi siniptin bashlap dölet ortaq til - yéziq sistémisidiki ma'aripni omumlashturushni kücheytish kérek» dep belgilengen.

Ma'arip idarisi mekteplerge «xitay tili oqutquchilirigha uyghur tili boyiche terbiyilesh élip bérishtek xata usulni qetiy tüzitish»  we «ma'arip sistémisida we mekteplerde uyghur tilini, uyghurche yézilghan yéziq, lozunka we resimlerni ishlitishni qetiy meniy qilish» kérek dep buyruq chüshürgen.

Belgilimide, bu yéngi siyasetke xilapliq qilghan her qandaq shexs yaki mektepning, «ikki yüzlimichi» dep qarilip «qattiq jazalinidighanliqi» éytilghan. Hökümet adette «ikki yüzlimichilik» atalghusini bu xil belgilimilerge aktipliq bilen ri'aye qilmighan uyghurlar üchün ishlitidu.

Xotenning qaraqash nahiyelik ma'arip idarisidiki bir xitay emeldar bu belgilimining iyun éyida tarqitilghanliqini éytti.

Chira nahiyelik hökümettiki bir uyghur ayal xadim, özige bu belgilime heqqide uqturush qilinghanliqini, lékin uning mezmuni heqqide toluq melumatqa ige emeslikini bildürdi.

Menbe: yawro – asiya obzorliri(eurasiareview

Yorumlar

Bu haber için henüz yorum yazılmadı.


Bu Habere Yorum Yazın

Yorum yazabilmek için sitemize üye olmanız gerekmektedir. Bu sayfadan ücretsiz üye olabilir, zaten üyeyseniz bu sayfadan giriş yapabilirsiniz.

Kök Bayraq Jornili

Abonelik Ba�vuru Formu

Tarihte Bu Gün

  • 01 Ekim 2003 - İşgalci Çin Tarafından 100 Günlük Zulüm Operasyonu Başlıyor.
  • 05 Ekim 1955 - Ünlü Şair Abdurrahim Ötkür'ün Vefatı
  • 16 Ekim 1964 - İşgalci Çin Tarafından Doğu Tüğrkistan'da İlk Atom Bombasının Denenmesi.i
  • 18 Ekim 1884 - Doğu Türkistan İsminin Şincang Olarak Değişt
  • 23 Ekim 1969 - Doğu Türkistan'da Arap Alfabesinin Kaldırılıp Yerine Latin Alfabesi'nin Getirilişi.
  • 30 Ekim 1937 - Vatanperver Şair Kutluğ Şevki'nin Idam Edilmesi.
  • 30 Ekim 2003 - Doğu Türkistan'lı Ünlü Mücahit Hasan Mahsun'un Şehit Edilişi.

Yéngi Pikirler

Kök Bayraq Zornili

E-Mail Listesi


Sitemizdeki yeniliklerden haberdar olmak için e-posta listemize üye olabilirsiniz.

© 1999 - 2017 East Turkestan. All rights reserved.

Web Design