Xitay tajawuzchiliri misirdiki uyghurlarning tutqun qilinishini yoshurushqa urunmaqta

Bügün xitayning misir elchixanisining tor bétide, elchixanining misirdiki uyghurlarning tutqun qilinish weqesige qarita tunji izahati uchur sheklide élan qilindi.

13 Temmuz 2017, 20:31
Bügün xitayning misir elchixanisining tor bétide, elchixanining misirdiki uyghurlarning tutqun qilinish weqesige qarita tunji izahati uchur sheklide élan qilindi.
So'al-jawab sheklide élan qilinghan bu uchurdin melum bolushiche, shinxu'a agéntliqi elchixanidin yéqinda misirdiki bir türküm xitay puqralirining, jümlidin uyghurlarning tutqun qilinghanliqigha qarita köz qarishini sorighan. Elchixana xadimi tutqunning sewebini misir weziyitige baghlap chüshendürgen. Elchixanining jawabida mundaq déyilgen: «diqqet qilishimizche, yéqindin buyan misirdiki alaqidar organlar, misirda turuwatqan chetelliklerni bashqurushni kücheytti we bir qisim chetelliklerni tutti, buning ichide jungguluqlarmu bar».
Elchixana bu arqiliq xelqara xewerlerde otturigha qoyulghan misirning uyghur oqughuchilarni xitayning bésimi we qol tiqishi bilen tutqun qilghanliqini inkar qilghan. Elchixana mesulliri jawabining axirida: «biz misirda turuwatqan junggo puqralirini misirning qa'ide-tüzümlirige qetiy boysunushqa, salahiyitige uyghun bolmighan qilmishlar bilen shughullanmasliqqa yene bir qétim chaqirimiz» dégen.
Muhajirettiki uyghur közetküchilerning qarishiche, xitay elchixanisi axirqi bayanliri arqiliq misirdiki uyghurlarni qanunsiz turush we qilmishlar bilen eyibleshke urunghan. Emma xelqara xewerlerde, xitayning birqanche ay awwal chetellerde oquwatqan uyghur oqughuchilarni yurtigha qaytish heqqide buyruq chüshürgenliki, ularning a'ile-tawabi'atlirini görüge alghanliqi, doktor hebibulla toxti qatarliq ezher uniwérsitétini püttürüp yurtigha qaytqan uyghurlarni türmige tashlighanliqi qatarliq xitay dölet zorawanliqigha a'it pakitlar we mezkur tutqunda xitay tajawuzchilirining qoli barliqigha a'it perezler köplep otturigha qoyulghan idi.
Démek, xitay tajawuzchiliri bu qétimliq tutqun qilish herikiti qanuni asasqa ige bolmisimu , bir qisim uyghurlargha töhmet qilip misir hökümitining qoli bilen tutqun qilish meqsitige yetmekchi bolghan. Bu weqeni dunyagha anglitishta musteqil uyghur aktiplirining ijtima'iy uchur wasitiliridin ünümlük paydilinip, dunya axbarat wastiliri arqiliq xitaygha bésim shekillendurelidi.

Uyghur nidasi tor radi'osi xewiri:
http://www.hoylam.net/xitay_tajawuzchiliri_misirdiki_uyghurlarning_tutqun_qilinishini_yoshurushqa_urunmaqta/

Yorumlar

Bu haber için henüz yorum yazılmadı.


Bu Habere Yorum Yazın

Yorum yazabilmek için sitemize üye olmanız gerekmektedir. Bu sayfadan ücretsiz üye olabilir, zaten üyeyseniz bu sayfadan giriş yapabilirsiniz.

Kök Bayraq Jornili

Abonelik Ba�vuru Formu

Tarihte Bu Gün

  • 01 Eylül 2009 - Doğu Türkistan'da Üniversitelerden Uygurca Dilinin Resmen Kaldırılması
  • 02 Eylül 2009 - Rabia Kadir'in Tutuklanarak 8 Yıl Hapse Çarptırıldı.
  • 05 Eylül 1995 - A.ötkürün Vefati
  • 08 Eylül 2001 - Şair Ruzi Sayit'in Vefati
  • 11 Eylül 2001 - Büyük Yazar Turgun Almas'in Vefati
  • 13 Eylül 1964 - Doğu Türkistanda İlk Atom Bombasi Atilişi
  • 26 Eylül 1949 - Doğu Türkistan'da Çin Tarafından Komünizim Resmen Ilan Edildi.
  • 30 Eylül 1945 - Ünlü Şair Lütfullah Mütellip'in Çinlilerce Şehit Edilişi

Yéngi Pikirler

Kök Bayraq Zornili

E-Mail Listesi


Sitemizdeki yeniliklerden haberdar olmak için e-posta listemize üye olabilirsiniz.

© 1999 - 2017 East Turkestan. All rights reserved.

Web Design