Uyghur kishilik hoquq qurulushi teshkilati: «uyghur tili uyghur milliy kimlikining jan tomuridur»

Dunya uyghur qurultiyi 2015-Yili qarar élan qilip, her yili 15-Iyun künini «xelqara uyghur tili küni» qilip békitkendin buyan, muhajirettiki uyghur jamaiti ana tilgha munasiwetlik türlük paaliyetler arqiliq bu künni tebriklep kelmekte.

15 Haziran 2017, 22:32
Bügün, yeni 6-Ayning 15-Küni «xelqara uyghur tili küni».

Dunya uyghur qurultiyi 2015-Yili qarar élan qilip, her yili 15-Iyun künini «xelqara uyghur tili küni» qilip békitkendin buyan, muhajirettiki uyghur jamaiti ana tilgha munasiwetlik türlük paaliyetler arqiliq bu künni tebriklep kelmekte.

Bügün bash shtabi washingtondiki uyghur kishilik hoquq qurulushi teshkilati «xelqara uyghur tili küni» munasiwiti bilen mexsus bayanat élan qildi.

Bayanatta pütün dunyadiki uyghur jamaitige birdek heriketke kélip, uyghur milliy kimlikining jan tomuri bolghan uyghur tilini qoghdashqa chaqiriq qilindi. Shuning bilen bir waqitta yene, xelqara jemiyettin xitay hökümitige qarita bésim ishlitishni, shu arqiliq uyghurlargha qaratqan diniy cheklime we milliy kimlikni yoqitish siyasetlirige chek qoyushni telep qildi.

Bu munasiwet bilen radiyomiz ziyaritini qobul qilghan dunya uyghur qurultiyining muawin reisi, uyghur kishilik hoquq qurulushi teshkilatining diréktori ömer qanat ependi mezkur bayanatning qandaq sharaitta chiqirilghanliqini izahlap ötti.

U, uyghur kishilik hoquq qurulushi teshkilatining «xelqara uyghur tili küni» de uyghur tilini qoghdash toghriliq uyghurche we inglizche bayanat élan qilishining muhim ehmiyetke ige ikenlikini alahide tekitlidi.

Dunya uyghur qurultiyining bash katipi dolqun eysa «xelqara uyghur tili küni» munasiwiti bilen pütün dunyadiki uyghur tilini ana tilim dep qaraydighan uyghur perzentlirige salam yollaydighanliqini bildürdi.

U, dunya uyghur qurultiyining buningdin ikki yil muqeddem xitayning uyghur diyarida yürgüzüwatqan uyghur tilini yoqitish istratégiyesige qarshi her yilining «15-Iyun» künini «xelqara uyghur tili küni» qilip békitkenliki heqqide chüshenche berdi.

Dolqun eysa yene, dunyaning jay-Jayliridiki uyghur jamaitining bügünki «xelqara uyghur tili küni» de ailisi boyiche sap uyghur tilida sözlishishini, bu arqiliq özlirining ana tilgha bolghan muqeddes mesuliyiti we waz kéchishke bolmaydighan iradisini ipade qilishni telep qildi.

Amérika uyghur birleshmisining reisi ilshat hesen ependimu bu heqte pikir bayan qilip, «muhajirettiki her bir uyghurning bu alahide künde sap uyghur tilini qollinishining özini mundaqche éytqanda, xitayning uyghur tilini ailidin tartip mektep we pütkül jemiyetkiche süpürüp tashlash pilanigha körsitilgen bir ejellik qarshiliq déyishke bolidu» dédi.

U axirida yene, bash shtabi washingtondiki uyghur kishilik hoquq qurulushi teshkilatining bügünki alahide künde uyghur tilini qoghdash toghriliq xelqaragha bayanat chiqirishi muhim ehmiyetke ige, dédi.

Muxbirimiz qutlan
http://www.rfa.org/uyghur/xewerler/kishilik-hoquq/uyghur-kishilik-hoquq-06152017160108.html?encoding=latin

Yorumlar

Bu haber için henüz yorum yazılmadı.


Bu Habere Yorum Yazın

Yorum yazabilmek için sitemize üye olmanız gerekmektedir. Bu sayfadan ücretsiz üye olabilir, zaten üyeyseniz bu sayfadan giriş yapabilirsiniz.

Kök Bayraq Jornili

Abonelik Ba�vuru Formu

Tarihte Bu Gün

  • 01 Ekim 2003 - İşgalci Çin Tarafından 100 Günlük Zulüm Operasyonu Başlıyor.
  • 05 Ekim 1955 - Ünlü Şair Abdurrahim Ötkür'ün Vefatı
  • 16 Ekim 1964 - İşgalci Çin Tarafından Doğu Tüğrkistan'da İlk Atom Bombasının Denenmesi.i
  • 18 Ekim 1884 - Doğu Türkistan İsminin Şincang Olarak Değişt
  • 23 Ekim 1969 - Doğu Türkistan'da Arap Alfabesinin Kaldırılıp Yerine Latin Alfabesi'nin Getirilişi.
  • 30 Ekim 1937 - Vatanperver Şair Kutluğ Şevki'nin Idam Edilmesi.
  • 30 Ekim 2003 - Doğu Türkistan'lı Ünlü Mücahit Hasan Mahsun'un Şehit Edilişi.

Yéngi Pikirler

Kök Bayraq Zornili

E-Mail Listesi


Sitemizdeki yeniliklerden haberdar olmak için e-posta listemize üye olabilirsiniz.

© 1999 - 2017 East Turkestan. All rights reserved.

Web Design