Sherqi Turikistanliq pütün Xanim-Qizlirimizning 8 – mart bayrimigha mubarek bolsun !

Rabiye Qadir : Sherqi Turikistanliq pütün Xanim-Qizlirimizning 8 – mart bayrimigha mubarek bolsun !

08 Mart 2016, 22:24

Essalamu eleykum Sherqiy türkistanliq wapadar, köyümchan, küreshchan, jesur we tirishchan xanim – qizlirimiz, 8 – mart Xelqara ayallar bayrimi munasiwiti bilen weten ichi we sirtidiki hemminglarning bayrimini yürektin qutluqlaymen we silerge janabi allahtin bexit – saadet, ayilenglerge menggülük bexit tileymen !

Erkin dunya elliridiki xanim - qizlar, zor tentene we xoshalliq tuyghusi ichide özlirining bayrimini tebriklewatqan bügünki künde, Sherqiy türkistanliq xanim - qizlirimiz Xitay mustemlikichilirining chekidin ashqan zulmi astida xorlunup yashashqa mejbur boluwatidu, Xitayning ichki ölkilirige mejburi elip ketilgen 100 minglighan bichare Uyghur qizlirimiz xuddi ottura esirdiki qul - dideklerdek gheyri insani muamilige we depsendichilikke uchrawatidu, yene shundaqla Xitay hakimiyitining atalmish < pilanliq tughut > siyasiti tüpeylidin, minglighan, 10 minglighan, 100 minglighan anilarning hayati eghir xewip we tehditke duch kliwatidu !

Mana bularni köz aldimizgha keltürginimizge, yürikimiz cheksiz azaplinip, Uyghur xanim - qizlirini bu echinishliq teqdirge duchar qilghan yawuz Xitay mustemlikichilirige bolghan nepritimiz hessilep ashidu.

Qedirlik xanimlar Uyghur ayallirining neziride ezeldin teqdirge shukri qilip olturush ajizliq dep qarilip kelgen. Tarixtin buyan Uyghur ayallirining rohida oz-ozini qutquzush qudriti ghalip orunda turghachqa weten, etiqad, numus we ghorur tajawuzchiliqqa uchrighanda ayallar oz hayati bedili bilen ularni qutquzghan. Emdi hazirqi dewirdichu? Uyghur ayallirining jismi, rohi, ghoruri, tili , dini etiqadi, depsende qilinwatqan pajelik deqiqilerde Uyghur ayalliri gheplet uyqusidin oyghunishi, ozining wetenini we ewlatlirini qutquzghuchi ikenligini chongqur tunup yetishi kerek.

Uyghur aniliri oz ailisi we jemiyet aldidiki mesuliyitini tuluq ada qilishi kerek. Barliq Uyghur ayalliri bir-birining teqdiri we kelgusige ortaq kungul bolishi, mesul bolishi kerek. Kichik aile tuyghusidin halqip weten,millet aldidiki etiqad we mejburiyetni, barliq ishlirining eng aldigha quyushi lazim.

Ayallar ozining heq-qoqoqini tonishi,ozining erkinligi uchun kuresh qilishi,oyghunishi kerek. Anilarning ghoruri wetenning ghororidur.anilarning qedir-qimmiti wetening qedir-qimmitidur.
Uyghur anilirimu uzaq tariximizdin buyan, özining baturluqi, qeyserligi, chiwerliki, ishchanliqi, mehnetkeshliki we zulumgha tez pükmes iradisi bilen ozining heq-hoquqi uchun kuresh qilip tillarda dastan bolup kelmekte.Nuzugum, Iparxan, 7 qizlirim, Rizwalgül we shulargha oxshighan minglighan batur qizlirimiz bunung janliq örnekidin ibaret.

Biz yoqatquchi emes qutqazghuchi we yaratquchigha aylinishimiz kerek. Ozini Uyghur ewladi sanighan we Uyghurl qeni wujudiga eqiwatqanlighini etirap qilghan barliq xanim-qizlar wetenni qutquzush dewasigha erler bilen teng qedemde turup qatnishishi kerek. Weten dewasida ishning chong-kichigi ,yuquri - towinini tallimay, wijadani we insani burchini ada qilishi kerek. Qedirlik xanim – qizlar, weten bizdin sukut emes kuresh kutmekte!

Biz qozghilayli, kuresh qilayli, ozimizni qutquzayli , insani heq-huquqlirimizni tajawuzchilarning qolidin tartip alalayli we ozimiz arqiliq acha-shingllirimizni,perzentlirimizni qutquzayli. Kelechek ewlatlirimiz biz erkinlik elip kelidighan Wetenning guzel kunlirge telpunmekte.

Biz ulargha asaret, xorluq, wetensizlikni emes musteqil we hor wetenni qaldurup keteyli.

Anilar we xanimlar , weten we ewlatlirimiz aldidiki ikki dunyaliq mejburiyitimizni ada qilish bizning adaqqi mejbiriyitimizdur ! hemmimiz bu nuqtini tonup yetkende,qolni qolgha tutushup birlikte kuresh qilghanda ishinimizki, Uyghur xanim qizlirimu janabi allahning himmiti we ozlirining kureshchan rohi bilen haman bir küni erkin dunya elliridiki xanim qizlardek özlirining bayrimini musteqil we hör döwlitining ziminida tebriklesh pursitige erishidu !

heqiqet haman heqiqet.u igilidu lekin sunmaydu!

Axirida, Anilirimizning, xanim - qizlirimizning bayrimini qayta - qayta mubarekleymen !

Hörmet we Ehtiram bilen:

Rabiye Qadir
2016 – yili 3 – ayning 8 – küni
Amerika / Washington

Yorumlar

Bu haber için henüz yorum yazılmadı.


Bu Habere Yorum Yazın

Yorum yazabilmek için sitemize üye olmanız gerekmektedir. Bu sayfadan ücretsiz üye olabilir, zaten üyeyseniz bu sayfadan giriş yapabilirsiniz.

Kök Bayraq Jornili

Abonelik Ba�vuru Formu

Tarihte Bu Gün

  • 01 Haziran 1996 - Almanya'da Doğu Türkistan Enformasyon Merkezinin Kuruluşu
  • 02 Haziran 1932 - İsa Bey Tarafından 1932 Yılında Çin Türkistanın Avazı Adlı Derginin Neşredilişi
  • 14 Haziran 1965 - M.emin Buğranin Vefati
  • 15 Haziran 2017 - Dünya Uygur Dilini Konuşma Günü
  • 15 Haziran 2015 - Dünya Uygur Dili Konuşma Günü
  • 16 Haziran 2124 - Ünlü Şair Abdulaziz Mahsun'un Vefatı
  • 30 Haziran 1951 - Doğu Türkistan'da Toprak Reformunun Başlatılması

Yéngi Pikirler

Kök Bayraq Zornili

E-Mail Listesi


Sitemizdeki yeniliklerden haberdar olmak için e-posta listemize üye olabilirsiniz.

© 1999 - 2017 East Turkestan. All rights reserved.

Web Design