Rabiye Kadir
Dünya Uyghur Kurultiyi Reisi
Dünya tarihida dolqunlar yaratqan
ulugh heriketlerning hemmisi birlik, ittipaqliq asasida barliqqa kelgen.
Hayatning her saheside muweppiqiyet qazinish, kündilik hayatning tehimu
tertiplik bolishi,... üchünmu ittipaqliq shertbolghinidek, milliy dawalar,
milliy musteqilliq köreshlirimu birlik, ittipaqliqni shert qilidu. Milliy nopuz
bolmisa milletning hich etibari bolmaydu; milliy nopuz bolsa ittipaqliqtin
barliqqa kelidu.
Xelqarada qollashqa
erishiwatimiz, bir yaqtin bolsa tajawuzchi Xitaylarning mustemlike siyasiti eng
rehimsiz derijige yetti. Sherqiy Türkistan milliy mujadilisining
köreshchilirige, kishilik hoquq paaliyetchirige qarita eng vvehshiy siyaset
yürgüzüshke bashlidi. Demek, milliy muj adilimiz ghayet mürekkep we intayin
qiyin bir weziyetke kirdi. Körishimiz her bir Sherqiy Türkistanliqtin gheyret-
shijaet, eqil-paraset, teximu mohimi mexsetke yetidighanliqimiz ishenchide
mustehkem bolishini, birlik-ittipaqliqqa ehmiyet berishini telep qilidu. Chünki
ulugh bir mexsetni nishan qilghan bir milletning küntertibide ittipaqliqtinmu
mohim ish yoq.
2006 yili 24 Nuyabirdin 28 Nuyabirghiche
Germaniyining Myonxin shehride chaqirilghan DUQ ning 2-qurultiyi hemmimiz arzu
qiliwatqan ittipaqliqning upuqini körsetti. Qurultiyimizgha xelqara
teshkilatalarning wekillirining qatnashqanliqi, dangliq alimlarning
qatnashqanliqi, Germaniye hökümet erbaplirining tebrik telegrammisi ewetkenliki
sözlirimizning delili bolush bilen bille tajawuzchi Xitaylarni tolimu biaram
qildi; Xitaylar buningdin büyük bir wehime his qilishqa bashlidi.
Emdi Sherqiy Türkistanliqlarning
kishilik hoquqi, hörriyet arzusi yolida birlikte ishleshning yengi upuqi
tuğuldi. Bu yolda mustehkem ittipaqlashsaq mexsetke yetish ishenchimizdin
shübhe qilishning orni yoq. Chünki heq bizningdur, weten bizningdur;
heq-adaletnni, demokratiyini söygüchi pütün dünya helqi biz bilen bile.
Shundaq deyishke boliduki, bizge
bir tarixiy purset keliwatidu. Biz weten, xelq aldida üstimizge alghan
mes'uliyetning teqezasidin bu pursetni toghra mölcherlishimiz, toghra
paydilinishimiz lazim. Xelqimizning bizdin kütken ümitlirini bej a keltürüsh üchün
ortaq tirishchanliq körsitishimiz kerek.
Hemminglarni bu büyük birlik- ittipaqliqa chaqirimen. Yashisun büyük milliy birlikimiz. Yashisun musteqilliq mujadilimiz. •
- 1103 defa okundu.
